Sesorah Sambung Raos Antawisipun Warga

Sesorah Atur Pambuka

Sambung Raos Antawisipun Warga

Assalamu’alaikum Wr. Wb.

     Alhamdulillahirobbil ngalamin wabihi nastangin wa’ala umuridun yawadin wassholatuwassalamu ngala asrofil anbiya iwal mursalin wa’ala alihi wasohbihi ajmangin ama ba’du.

     Sakderengipun sumangga kita ngaturaken, munjukaken puja lan puji syukur wonten ngarsanipun gusti Allah SWT kang sampun paring berkah rahmat hidayah saha inayahipun. Sa’temah kita teksih saged makempal manuggal sambung raos ing antawisipun warga ing wanci ndalu punika kanthi kabegjan kasarasan mboten wonten alangan sa’tunggal menapa.

     Sholawat saha salam mugi konjuk wonten ngarsanipun junjungan kita Nabi Agung Muhammad SAW ingkang tansah kita ajeng-ajeng safangatipun mbenjang wonten ing yaumul kiyamah.

Bapak-bapak saha para rawuh sadaya.

     Ing sarasehan sambung raos punika magke kasuwun para sadherek-sadherek kersa medharaken sadaya raos pangraos ing manah ingkang wonten sambetipun kaliyan kemajenganipun Dhusun kita, supados kita sadaya mangke saged sami sami nindakaken ewah-ewahan, saha nyampurnakaken samukawis ingkang kirang trep, saengga saged ndadosaken tambah majengipun Dhusun kita punika.

     Ing antawisipun panjenengan sadaya kagungan hak pangandikan ingkang sami, pramila mugi keparenga ngginakaken hak punika kanthi sak saenipun jumbuh kaliyan dhasaring Negeri kita, inggih punika Pancasila.

     Saklajengipun awit kita makempal sampun sak untawis dangu, pramila sarasehan ndalu punika kula wiwiti, saha rancaging sarasehan punika kasumanggaken dhumateng para rawuh sadaya.

Matur nuwun.

Wassalamualaikum Wr. Wb.